太爺雞 (Closed)

前菜呢款豬手，嗌左小辣！加上蒜蓉落去味道更加香口！鍾意食辣嘅人士就一定要點呢一款，皆因系麻辣黎， 辣味可以徘徊喺口味仲有麻麻地嘅口感！豬手咬落爽口，好味餐廳嘅鎮店之寶就係老爺雞！半隻黎講都好大份，雞皮呈上深啡色🐥再倒上豉油！雖然望落似豉油雞，不過食起上嚟確係有分別嘅！用左三皇雞加上自家嘅醬料醃制而成，無論係雞肉定係雞皮都算係入味😊而且雞隻嘅肥瘦適中，唔會有太多嘅油脂，所以食完都唔會覺得好肥膩😊雞肉嘅肉質都幾鮮嫩，唔會食到有冰鮮味⋯反而帶有淡淡嘅油香旁邊仲配有薑蓉，不過個人就認為唔需要點都已經好夠味啦😃配一碗白飯就更加正！煎炆客家豆腐有成五至六舊豆腐，茨汁打得唔會太過杰， 煎完嘅豆腐食起上嚟更加香口~加上蔥花喺面頭，味道更佳😊豆腐中間仲有半肥瘦嘅肉碎，肉質夠淋😀配上豆腐食，又可以帶啲鹹味😉梅菜扣肉熱辣辣咁上枱，用左鐵鍋更能保持到熱力！份量都幾多～梅菜切粒令到扣肉更加入味，食到少許梅菜嘅鮮甜！而豬肉嘅瘦都算係幾均勻，食起上嚟非常入味😍而且肉質亦都唔會太過乾身，吾會好硬～足以配上兩碗飯腐乳通菜亦都係好大碟😊店員介紹通菜最近當造所以就試下佢啦！腐乳味唔算太過濃郁所以食起上嚟啲菜唔會太過咸口，加