sift desserts (皇后大道東) (Closed)

好多時經過Sift 都會望下佢個櫥窗，因為覺得佢既產品都好骨子。今次首先要好多謝表哥個女朋友送D咁貴重既甜品比我地試。佢地話全港最好食既cupcake非Sift 莫屬，但係就只推介其＂Red Velvet＂口味。小弟對甜品簡直係又愛又恨，因為鍾意食嗰幾款多數都好肥。但係大家千奇唔好以為甜我就鍾意呀，我都好挑剔架。　個cupcake既包裝好靚，聞落都好香，所以都輕微地增加左本人既食慾。個cupcake本身算鬆，但係唔夠濕。最可惜係我第一啖就甜都隻牙都痛埋。我當然冇即時做出太大反應啦，因為始終係人地好有心地請我地食架嘛，而且重食哂成個添，真係好比面。不過要成$22 個真係覺得超級貴囉。