滿屋廚房 (Closed)

今日同肥髀睇戲，買好戲票就去咗呢間餐廳，去到㩒票攞位，好在即刻有位，店面同店內裝修都好少女好卡通，店內仲有好多卡通精品賣，又有兒童玩具屋（方便啲家庭客）但分咗啲地方比精品同玩具屋之後，我同肥髀被安排坐最角落一張2人枱，連肥髀一個11小朋友都入唔到靠牆嘅位置！店內嘅桌椅放到超迫，係每次有客人起身都要旁邊嘅客人移動或起身先可以，走道只能側身行（仲要大家都標準身形，唔係大隻嗰種）感覺不如大啲地方先攪咁多瓣數食品都係日式西餐，款式幾多！早晨粉麵套餐（$39）揀咗喇沙湯，煎蛋+米粉，有柄膠碗，煎蛋幾靚，雞扒煎得香，雞肉唔嚡，米粉爽口正常，湯底幾濃香，雖然無辣味，整體好味菠蘿油（跟餐）賣相幾靚，菠蘿面都無淋無爛，麵包鬆軟，我無食塊牛油，幾好泡沫咖啡（跟餐）個咖啡無拉花，只用朱古力粉灑個圖案，仲要一團團都睇唔出係乜，白色奶泡好粗糙，唔夠幼滑，咖啡味好奶，咖啡味唔突出，好一般肥髀食黑松露炒滑蛋配牛角酥（$42）凍馬來西亞榴蓮咖啡（跟餐$15）食物幾好，店員好忙碌地在窄窄走道中穿梭服務，好多時舉咗手都要等一陣先來到，加上我嗰個角落位，只要有客人郁，附近幾枱都要郁去比客人走，幾騷擾，基本上好似無間開嘅飯堂