潮家海鮮酒家 (Closed)

爸爸60歲大壽當然想好好慶祝 之前聽住將軍澳既親戚講起呢間酒樓 話岩岩好有一個角落頭位可以做宴會廳咁用 唔同其他酒樓出面有人飲茶食飯 可以靜少少 d小朋友又可以隨便走黎走去 岩岩好放到兩圍!平時係好多細枱👆60歲大壽menu: 🙊乳豬皮鬆脆 痴住半肥瘦既肉👍不過外貌有點不討好清蒸東星斑🐟肉好滑 唔似香口膠👍👍我一向都好中意食芝士焗龍蝦伊麵 好好味但係真心覺得佢伊麵唔夠成枱人食😐酥炸桶蠔:因為我唔食蠔既 所以唔方便評論 不過我妹妹一個人食左3隻😂淮山杞子炖螺頭😋😋😋😋❤️陳皮燒汁蒸鮮鮑 鮑魚入味爽口!媽媽話因為佢將鮑魚界花再蒸👍炸子雞🐔爸爸最愛 但我太飽無食到😂因為呢到只係比up 8張相 最後既壽包無得比大家睇 好可惜😂一個超巨型壽包打開入面仲有個小壽包 甜品 椰皇燉奶 超超超好味!!!!奶味香濃又滑又唔會太甜!!!!如果唔係太飽我一定會食兩盅!!!😩今餐爸爸都好滿意 見到之前既食評都話佢點心馬馬 下次可以挑戰挑戰