La Rotisserie (廈門街) (Closed)

在灣仔區工作，除了貴還要人多，帶飯帶得多，間中都會想食吓其他野。星期五，食好啲嘅意思亦即食貴啲，但每間鋪外都排著長長人龍，突然間傳來一陣很香的烤雞味，見到這家專做外賣的烤雞專門店，最平的lunch set，1/4 隻烤雞加自選配菜。吃過兩次，都選了相同的配菜，烤薯角和雜菜。薯角真的超有驚喜，帶點燶之餘又有薯香。至於雜菜，清清的雖然普通，但出外吃飯，總要吃點菜來解肥膩。如果可以的話，好想只買配菜來當午餐，哈哈。至於雞，不知是否巧合又或者我不夠青春可人，每次給我的都是上庄（我想食雞脾呀！！）雞胸部分不太入味但皮燒得不錯，為食倒不妨嘗一口。另外lunch set還可揀是日靚湯或餐飲。外賣是用紙袋，拎食物出來時小心點的話，紙袋可以重用呀。$78食外賣雖然貴過茶記，但happy Friday，容許間中豪一下。