Video
Read full review
2021-08-28
78 views
好多餐廳話自己隱世，因為本身位置偏僻，而呢間 #Brickbybrick 就真係隱蔽，因為地址寫士丹頓街，但實質喺俊榮里入口。小店對住公園，雖然喺中環區但好安靜，有避世嘅感覺，不過行兩步就去到中環電梯，好方便。老闆娘推介肉骨茶，佢話好多人以為肉骨茶冬天先啱食，其實夏天都要補，成日飲凍嘢、濕重嘅人食返個就最啱啦！另外仲有可以配唔同配料嘅喇沙，同樣都係心機之作。火熱砂煲肉骨茶 $128肉骨茶以砂鍋上枱，保持熱度之餘，香氣撲鼻，以藥材同大量蔬菜熬製嘅湯頭香濃帶鮮甜，後勁有白糊椒嘅微辣。特別以豬軟骨代替一般排骨，避免骨碎影響口感，非常細心。一煲有4-5舊，入味得嚟軟骨都好淋身，記得蘸蒜泥醬同吃，配菜有菇菌、豆卜同生菜，配一碗白飯，吃罷超滿足！唔好錯過油炸鬼，浸一浸湯即刻食得。秘製馬來西亞咖喱喇沙湯麵配雜錦海鮮 $108香港好多喇沙店，不過好多人都唔知分好多版本，咖喱、亞參、東海岸等等，唔同款式風味略有不同，而小店就炮製咖喱喇沙版，味道上咖喱味重啲，椰味少啲，入口辣度好舒服，唔會太膩，同米粉、油麵好。材料方面，有多款海鮮，青口、蝦、帶子、墨魚仔等等，全部都帶海鮮鮮味，好滿足。話梅桃膠羅漢果茶話梅
好多餐廳話自己隱世，因為本身位置偏僻，而呢間 #Brickbybrick 就真係隱蔽，因為地址寫士丹頓街，但實質喺俊榮里入口。小店對住公園，雖然喺中環區但好安靜，有避世嘅感覺，不過行兩步就去到中環電梯，好方便。
老闆娘推介肉骨茶，佢話好多人以為肉骨茶冬天先啱食，其實夏天都要補，成日飲凍嘢、濕重嘅人食返個就最啱啦！另外仲有可以配唔同配料嘅喇沙，同樣都係心機之作。
火熱砂煲肉骨茶
9 views
0 likes
0 comments
火熱砂煲肉骨茶 $128肉骨茶以砂鍋上枱，保持熱度之餘，香氣撲鼻，以藥材同大量蔬菜熬製嘅湯頭香濃帶鮮甜，後勁有白糊椒嘅微辣。
特別以豬軟骨代替一般排骨，避免骨碎影響口感，非常細心。一煲有4-5舊，入味得嚟軟骨都好淋身，記得蘸蒜泥醬同吃，配菜有菇菌、豆卜同生菜，配一碗白飯，吃罷超滿足！唔好錯過油炸鬼，浸一浸湯即刻食得。
秘製馬來西亞咖喱喇沙湯麵配雜錦海鮮
7 views
0 likes
0 comments
秘製馬來西亞咖喱喇沙湯麵配雜錦海鮮 $108
香港好多喇沙店，不過好多人都唔知分好多版本，咖喱、亞參、東海岸等等，唔同款式風味略有不同，而小店就炮製咖喱喇沙版，味道上咖喱味重啲，椰味少啲，入口辣度好舒服，唔會太膩，同米粉、油麵好。
材料方面，有多款海鮮，青口、蝦、帶子、墨魚仔等等，全部都帶海鮮鮮味，好滿足。
話梅桃膠羅漢果茶, 泰式香茅斑蘭薑茶
0 views
0 likes
0 comments
話梅桃膠羅漢果茶
話梅嘅酸酸地好醒胃，羅漢果清熱潤肺，桃膠又養顏，簡直係為女士而設。
️泰式香茅斑蘭薑茶
滿滿嘅香茅味，勁有泰式風情，味蕾似足去泰國旅行。
同店主傾開計，先知道原來佢哋12月已經租咗舖，因為種種原因而延至最近先開，老闆掌廚，老闆娘負責樓面，嘢食全部無味精，食完一啲都唔口渴，而且環境乾淨，坐得好舒適，希望大家多啲幫襯呢啲小店呀！
Post
