牛陣 (Closed)

昨晚去牛陣食Sabu Sabu，同係東京『牧場』食差唔多，無其他網友講得咁差。人地1500日圓90分鐘，香港就$100，大家都係澳洲牛肉，雖然人地D牛肉撞手神會有香港$140那種，但無論味道、裝修同服務都差唔多啦。百零蚊仲想點？去果D難食到痺99蚊任食中式火鍋連雜費都唔得啦，夫復何求？另外昨晚點了$220那款日本牛肉，不知來錯還是甚麼，其中兩碟如圖般雪花。但講真，Sabu Sabu 牛肉太肥都係浪費，D 油溶晒落個鍋度，入口只是一口油。另外很奇怪，牛陣居然無清酒賣，但門口又擺好多空樽做裝飾。莫非怕人醉酒鬧事？最後想稱讚那位身形細粒的女經理，一眼關七又好笑容，應該加人工。