金華冰廳

Open Now

Now Closed

好耐冇食金華，今日剛好喺附近所以諗住去食個菠蘿油，始終香港好食嘅菠蘿油唔多，金華喺我心中都算係較高分嘅一間。菠蘿油價錢唔算貴，$13一個，出來都暖暖地，應該剛出爐冇耐。皮照舊，係好食嘅，可惜嘅係舊牛油就比以前細咗好多好多，只占舊包嘅中間嘅一小部分。食到牛油嘅部分，味道喺好味嘅，但係兩三啖就冇曬。而家生意難做，明白餐廳都要諗辦法節省成本，但係質量保唔到，令客人有不良嘅感覺嘅話，長久唔會好，更何況金華都算人流多，生意應該唔算太差？希望餐廳未來會改善啦。