葫蘆館 (Moved) New Location

食完晚飯老公大人想吃碗中式糖水，於是我提議去"葫蘆館"，佢可以食佢至愛的合桃糊，我就吃佢地招牌菜薑撞奶。老公大人的合桃糊先來。趁佢講電話我偷吃了一口，是和暖的！熱糖水大忌！ 普普通通的。咁等我期待下招牌薑撞奶，話明即撞，要等一下，5分鐘後，薑撞奶來了！一睇好似稀左D，唔多OK.... 有圖有真相啦，真係稀左D，同以前食過的起碼稀左20%！味道係好好的，薑味濃郁，老公最憎吃薑，偷吃一口猛伸脷叫辣！但這正是薑撞奶正味之所在！希望是偶有失手之作啦，招牌菜真係一次都不能輸的！下次再來吃過，希望有改善啦。