Simplylife Bakery Cafe (Closed)

今晚一如既往幫襯simplylife，晚餐點了個羊膝配薯蓉及雞胸闊條麵。跟餐配上蕃茄湯和麵包，再加一杯鮮果茶!!愉快的晚餐後男友提議點一個甜品，因為都飽飽地所以就出去揀一片蛋糕。見有朱古力千層班戟和紅莓千層班戟，見在櫃內賣相唔錯，又心想紅莓千層班戟未試過，咁就一於點紅莓千層班戟喇!!點知，個班戟一上枱，只見碟面濕濕的，個班戟溶溶的。撕走蛋糕紙後，只見班戟似在溶化中……跟著一切落去，整片班戟散哂，簡直慘不忍睹。口感又凍又酸，班戟皮唔幼滑，好似雪咗好耐硬硬咁，可能有生果係入面，整個班戟濕濕的。大約$38唔算貴，但實在令人失望。同男友快快食完了事。下次唔會再食，食番蛋糕就算了。其實simplylife食物一向唔差，呢個班戟簡直是劣作，唔好再賣以免影響自家品牌。