Video
Read full review
2010-07-20
19 views
師傅食完個唔係好飽嘅叉燒飯後, 意猶未盡, 但又唔知食咩好, 於是繼續四圍行, 繼續玩肚餓, 一條冷喺冇咩選擇下就黎左呢間食店! 其實之前師傅都黎過幾次, 感覺不錯, 所以都幾有信心!入到食店先柯打, 後取貨, 由於師傅都食左碟飯打底, 所以是次唔需要柯打太多, 就簡簡單單揀左米粉, 再配上魚肉春卷, 豬腸同牛肚, 整個三餸一麵! 伙計煮好後, 師傅比完錢就有侍應幫手攞去枱上, 呢種服務態度理應表揚!坐底後師傅即刻開餐, 先試湯底, 湯底淡而無味, 師傅飲左兩啖就已經放棄, 看來比之前差了不少; 師傅覺得湯底絕對係一碗麵嘅靈魂, 如果湯底唔得, 粉麵都唔會好得去邊, 於是再試米粉, 一如所料但由於湯底唔掂, 所以令到米粉亦唔吸引; 而魚肉春卷師傅真係唔識形容, 好好味又談不上, 差又唔覺得係, 但就比到師傅一份親切感, 師傅邊吃邊感受, 發覺魚肉春卷嘅味道有少少似曾相識, 冇錯就係一間久違左嘅食店, “多魚麵”, 師傅相信九十後一定唔知 “多魚麵”係咩喇, 可能就係呢種親切感令呢份魚肉春卷多了一些吸引! 至於豬腸入口十分之韌, 口感其差, 絕對唔好味, 相比之前真的差了不少; 而牛肚算
入到食店先柯打, 後取貨, 由於師傅都食左碟飯打底, 所以是次唔需要柯打太多, 就簡簡單單揀左米粉, 再配上魚肉春卷, 豬腸同牛肚, 整個三餸一麵! 伙計煮好後, 師傅比完錢就有侍應幫手攞去枱上, 呢種服務態度理應表揚!
坐底後師傅即刻開餐, 先試湯底, 湯底淡而無味, 師傅飲左兩啖就已經放棄, 看來比之前差了不少; 師傅覺得湯底絕對係一碗麵嘅靈魂, 如果湯底唔得, 粉麵都唔會好得去邊, 於是再試米粉, 一如所料但由於湯底唔掂, 所以令到米粉亦唔吸引; 而魚肉春卷師傅真係唔識形容, 好好味又談不上, 差又唔覺得係, 但就比到師傅一份親切感, 師傅邊吃邊感受, 發覺魚肉春卷嘅味道有少少似曾相識, 冇錯就係一間久違左嘅食店, “多魚麵”, 師傅相信九十後一定唔知 “多魚麵”係咩喇, 可能就係呢種親切感令呢份魚肉春卷多了一些吸引! 至於豬腸入口十分之韌, 口感其差, 絕對唔好味, 相比之前真的差了不少; 而牛肚算較為可取, 皆因夠腍兼且入味, 幾好!
總括黎講食物水準有下降趨勢, 環境光猛, 服務有禮, 而價錢一般啦, 埋單廿三蚊, 可以啦! 最後師傅唔知係飽定係真係唔好味,所以樣樣都食淨, 除左魚肉春卷; 最難得係師傅用左廿三蚊竟然可以搵番一種失散多年嘅感覺, 呢種感覺絕對有一種它鄉遇固知; 是次笑臉一定比唔到, 對呢間食店亦開始信心動搖, 應該再黎機會不大!
Post
