龍邦燒味小廚茶餐廳

Open Now

Now Closed

食左咁多年，今日無喺個邊返工都專登返去買，真係好失望。落單兩盒乳豬三寶飯，要肥叉燒肉外賣。乳豬：兩盒都正常好食既叉燒：一盒正常唔肥既叉燒少少燶邊；另一盒頭頭尾尾又柴又硬，好似人地賣唔出攞嚟做叉燒湯意個啲叉燒，8年入邊喺龍邦食過最衰最垃圾既叉燒，直頭食唔曬要掉個隻。對一間出名叉燒既鋪頭真係做壞自己個名。 同時間買兩盒，質素可以差咁遠真係好出奇，想做壞自己個朵既最直接方法。燒肉：中伏，燒肉比沙莉篤，又柴又un，有豬臭味，又係要掉。我買得乳豬三寶都對個飯有少少期望，可能反差太大，專登都要寫編食評講返個現實出嚟，做起左個名質素真係差左好多。真係去呢間食，呢個質素周街都好過佢。