悅香飯店 (Closed)

加拿大認識的好朋友帶我和母親到此店吃午膳。我們對這樣有名的老飯店有些期望，但是實在太失望了，激動到要登記成為openrice嘅會員寫這個食評。 先講述一下伙計的態度。點菜時，想叫乜就冇乜。冇都算，仲要受伙計脾氣。椒鹽九肚魚：「冇九肚魚啊!!」。金銀蛋魚湯勝瓜：「冇勝瓜!!」 「咁可唔可以轉苦瓜啊？」 「涼瓜喺嗎？？」 蒸白鱔：「白鱔？係唔係叫㗎？」 大佬，我哋嚟食嘢係想俾錢你，你咁好免費送埋面色。。。好的，菜點完就等，左右隔離同時坐的十人大枱已經食完一半，我哋三個人啲餸先開始嚟。金銀蛋魚湯苦瓜（哦，sorry，係涼瓜）完全冇魚湯味都夠膽，啲瓜又硬又冇味。鱔切到超薄，我唸十二薄片都冇。荔芋油鴨變咗芋泥油鴨，又濕又唔好食。叫個炒飯仲等到其地嘢食完佢先出現，飯黏到日本飯團一樣。好的，”享受“了豐富的午飯就當然要俾錢。我就冇乜嘢，但係啱啱有個人想叫收銀個阿嬸跟一跟未嚟菜，竟然被反闖：「我唔會幫你追，我只會叫人去幫你追！」灣仔大把嘢好食，唔好浪費寶貴的時間和金錢去支持唔值得去嘅食肆。