紅葉茶屋 (黃金海岸商場)

Open Now

Now Closed

我都未入去，就係見到入面有位先攞張飛入去，點知佢話等一陣，等左5 分鐘先派我去我原本見到空果個位，出面又落雨又凍又大風，我想入去入面等個收銀都想我出返去等叫number，真係差咁D。終於入到去（坐返我見到果個位），叫左個豪華滑蛋井（吉列豬排，吉列壕，滑蛋飯）同炸牛肉薯餅，原本以為佢地都會好快就出到貨，點知落單20 分鐘之後個飯先到，等多10 分鐘個薯餅先再黎，速度已經好失望。味道上都幾不滿。個豬排等咁耐，點知黎到一咬就覺得乾到想喊，有塊滑蛋墊住(真係未見過但係下面）所以一邊脆一邊唔脆我都算數，但係媽啊，豬排唔係紙皮啊，佢乾到連味道都唔係好食得出，極度失望。吉列壕就相反，佢係炸嘅，係夠水份嘅，係有味嘅…… 但係隻壕味道真係怪怪地，唔知係唔新鮮定係雪味，感覺唔太好，希望唔會肚痛。最後就係個炸牛肉薯餅，炸佢30分鐘都真係過份，原本想劈炮走人㗎啦，佢又話炸好，我就打包走。個薯餅就不過不失啦，薯蓉夠綿，炸得夠脆，牛肉粒唔夠都已經預左，好彩佢真係夠熱，唔係炸完擺係度無人serve。Overall，黎得黃金海岸，如果有時間限制的話，就唔好食呢間嘅炸野啦，真係好失望。