Hungry Pal

Open Now

Now Closed

話說五個人黎食個Brunch，食到一肚氣。個Brunch Set，四個餸，但頭盤同個奄列係要share既，我地五個人黎比兩碟我地。Main有四個可以揀，每一個都可以揀配菜。最尾仲有一個甜品。頭盤有四種，全部都係share。計落每人一隻蝦，一撮沙律，兩塊包同一條腸。蝦有d唔新鮮，肉質好淋。腸同沙律正正常常。包有幾舊雪到硬曬既牛油比你，但如果你要油醋，佢地比唔到你。奄列 五個人有兩塊。你可以選擇唔同既配料，有d似酒店朝早buffet既感覺，但五個人兩塊咁既size既奄列 (其實呢塊應該係蛋餅？)，根本唔夠食。其中一種主菜係意粉。意粉煮得啱啱好，pesto sauce都幾夠味道。惟一就係份量好細。另一種主菜係烤雞，幾香但份量唔夠。甜品有兩種蛋糕可以揀。呢一款係red velvet，另一款係carrot cake。味道幾好，味道有啲似另一間喺置地廣場賣蛋糕嘅舖頭嘅蛋糕。但每人只係得呢一塊厚度唔夠四cm既蛋糕真係有啲唔得。呢一間餐廳，呢個brunch每位三百幾，加埋一每位接近$400。唔係特別好食，食完完全唔覺有食過嘢嘅感覺。環境算唔差但音樂好嘈，好難傾到計。嚟一次可以唔使再嚟。