Video
Read full review
2017-12-18
614 views
🍲Series: #FoodFam主食系列👨🏻💻Admin: #FoodFamUncle其實個個都食過呢間，我本來都唔想寫佢搞到好似我呃稿費咁，但係灣仔呢令我失望到唔食唔得。🍲 New England Clam Chowder一上菜已經知有問題。Clam Chowder 呢類嘅濃湯，只要一凍，表面就會結左一層外殻。我嘗試撈勻先食，發覺根本成碗都只係微暖。飲落其實味道還可以，濃稠而唔算太咸，入面嘅蛤肉、薯粒都相當多。可惜，外貌、溫度兩樣已經扣分扣到唔合格。🍝 Pasta Vegetarian PestoPesto Alla Genovese 亦即係意大利香草醬，傳統係以橄欖油加入羅勒葉、芝士、松子、蒜搗碎而成。睇落簡單，但其實每一隻材料嘅平衡係要小心咁搵出黎。最常見 Pesto 失敗嘅原因就係用太高溫去煮，羅勒葉一乾一燶就會出現又苦又澀嘅山草藥味。今次呢個 Pesto 最失敗嘅地方，在於佢醬料嘅失衡。無論聞落定食落，都只係感覺到佢將成斤蒜蓉拍左落去，再加上過量嘅橄欖油，丁點羅勒嘅香味都搵唔到。個人黎講都好鐘意蒜味，但佢今次濃到一個程度係全港所有吸血鬼都比人薰走哂。食完個底仲要有成碗油積
👨🏻💻Admin: #FoodFamUncle
其實個個都食過呢間，我本來都唔想寫佢搞到好似我呃稿費咁，但係灣仔呢令我失望到唔食唔得。
New England Clam Chowder
25 views
0 likes
0 comments
🍲 New England Clam Chowder
一上菜已經知有問題。Clam Chowder 呢類嘅濃湯，只要一凍，表面就會結左一層外殻。我嘗試撈勻先食，發覺根本成碗都只係微暖。
飲落其實味道還可以，濃稠而唔算太咸，入面嘅蛤肉、薯粒都相當多。
可惜，外貌、溫度兩樣已經扣分扣到唔合格。
Pesto Vegetarian Pasta
32 views
0 likes
0 comments
🍝 Pasta Vegetarian Pesto
Pesto Alla Genovese 亦即係意大利香草醬，傳統係以橄欖油加入羅勒葉、芝士、松子、蒜搗碎而成。睇落簡單，但其實每一隻材料嘅平衡係要小心咁搵出黎。最常見 Pesto 失敗嘅原因就係用太高溫去煮，羅勒葉一乾一燶就會出現又苦又澀嘅山草藥味。
今次呢個 Pesto 最失敗嘅地方，在於佢醬料嘅失衡。無論聞落定食落，都只係感覺到佢將成斤蒜蓉拍左落去，再加上過量嘅橄欖油，丁點羅勒嘅香味都搵唔到。
個人黎講都好鐘意蒜味，但佢今次濃到一個程度係全港所有吸血鬼都比人薰走哂。食完個底仲要有成碗油積返係到。應該係我食過最失敗嘅 Pesto 之一。
Lamb Chop
39 views
0 likes
0 comments
🐑 Lamb Chop
致命傷同湯一樣，凍。
飯同羊其實味道都唔錯，羊嘅 Medium Rare 亦都準備得相當唔錯，相當冧，但真係溫度太低，最多叫做微暖。
以差不多二百蚊位嘅著名扒房，今次其實相當失望，除左意粉之外，湯同羊都只係微暖，意粉就同齋咬蒜頭係分別。
佢嘅服務其實都算唔錯。自動添水、埋單計錯數都好肯慢慢講返、一開始見我地不滿黑糖麵包已經太凍太硬就自動幫我地換，呢樣都會加返分。
1️⃣ 下次唔會去食 💁🏻♂️
Post
