大本瀛日式放題

Open Now

Now Closed

好耐冇嚟兆萬中心食嘢，見咁大間，以為一定冇死，點知超級失望囉！有少少俾人呃咗嘅感覺，因為傳單上邊講嘅龍蝦、池魚、蟹都冇得食，就算普通刺身唔係冇貨，就上得十分之慢。食到嘅刺身都覺得唔太新鮮，食得出好重嘅雪味。另外牛肉好鞋身，整體嚟講真係唔推介，以呢個價錢，旺角有更加多其他嘅選擇。同埋最令我失望就係啲服務員嘅態度，當你覺得自己係麥兜嘅時候，叫乜佢冇乜，服務員完全都冇唔好意思，仲有少少唔耐煩嘅感覺，好似急住做其他嘢咁，但係其實個場本身都唔忙，得嗰少少人。