神石燒牛扒炸物專門店 (Closed)

話說呢間神石燒都開左一段時候，平時都好少去呢d石板燒牛既餐廳，諗住約埋朋友一齊黎食個晚餐，點知環境同食物質素真的非常失望。先講環境，成間鋪既抽風非常差，煙霧瀰漫，油煙味好勁，同場好似有枱客坐底野都未食就走左去話頂唔順，去韓燒或日式燒肉既餐廳如牛角都唔會咁。講返食物，我地都一樣點左個鹿兒島a5吉列和牛，我地都認為從未食過咁差既和牛，原因食落好瘦，無油脂，好似食緊d普通牛咁，白飯，湯同沙律係任食，但當日人食既飯濕到無牙都食到，湯無配料剩水，沙律都係椰菜絲，好老實我寧願去食韓燒好過，唔會再黎。