秀韓國餐館 (Closed)

係尖沙咀搵韓國野，行到呢一頭。有幾間無開，見呢間好似好多報紙雜誌係門口，又話蔡瀾食過，就試下呢間，點知完全被呢d門面野呃左...叫完野即刻上前菜，一般啦，正正常常天氣凍就想飲暖笠笠湯，叫左個豆腐湯($82) 呢個係我一生人食過最齋既豆腐湯 ...無海鮮唔緊要，只得豆腐、金菇、幾塊瓜、粉絲，最接受唔到係個湯底！一上枱已經唔對路，聞到好大陣胡椒味。齋湯真係齋湯，味淡無鮮味，全程彷彿用辣胡椒水送飯...食到一半真係頂唔順。 我地仲叫左碟蒸泡菜餃子，$45 四粒，普通超市貨色...仲有唔記得影我男朋友叫既石鍋飯，佢話加極醬都唔夠味。我試左一啖，可能食完我個辣胡椒水個expectation低左好多，我覺得可以接受。唯一驚喜既係佢既飯係一粒粒分明，唔似出面好多大餐廳D飯撈完濕笠笠。食完出番黎，好奇回頭望一望點解蔡瀾會食D咁難食既野.....嘩，原來張野係2008年 =3= 被騙了....學識下次睇清楚先....