耀東號 (Closed)

八點半一個人去到，等咗一陣就有位，叫咗個鮮茄豬扒飯，$36。等到九點都未有得食，唔敢問，唔敢催。因為老闆娘非常唔好惹，做到一身火。凡有人問佢嘢，佢都唔想答，或者好晦氣話等啦，唔好催！結果，半小時，眼見好多叫豬扒丁嘅都被拒絕，因為老闆娘話炒麵一律做唔切。我等到九點零，終於有得食！太餓，唔記得影相。嘩！有冇過份啲？得兩片酸番茄？汁係好似漿糊慨豆粉加糖。勁難食！塊豬扒炸得好香，可惜比d汁污染咗。食完好口渴，個囗好辛苦，有味精之嫌？仲有，d飯好濕。 最後，食咗十分鐘就走。唉，等咗三十幾分鐘。其實十個客，不過一個人煮。