品味創意台灣料理 (Closed)

平時我食嘢都唔算高要求，自稱垃圾嘴，一般我覺得難食既都真係好難食下。今次係第一次忍唔住要寫食評。叫創意料理，其實一點創意都冇，根本就是普通台灣嘢。叫唔上好難食，但係絕對唔覺得好食，估計係食物唔夠新鮮。食完感覺就係浪費左一次晚餐，相對黎講價錢偏貴，一個餐70-88，野飲加3-十幾不等，都係好普通既嘢啦，總之唔抵食，差唔多錢食茶木開心好多。環境算OK，星期日都冇乜人，可能平時都冇咩生意，伙計都幾多，感覺應該捱唔到好耐。絕對唔會再食。亦都唔會推薦人去試。