瑞士咖啡室 (Closed)

平時久唔久就會去灣仔間瑞士咖啡室嘅我，今日嚟到新蒲崗新開嘅瑞士咖啡室食午餐。原來星期六好多餐都無得供應。最後揀左是曰午餐($35)—茄汁焗豬排飯加熱奶茶。係新蒲崗嚟講，依個餐算貴，但個焗飯真係做得唔夠好。D飯好爛,豬排還可以，但個汁無蕃茄。整餐得杯奶茶令人滿意。服務都麻麻。可能門口有駕垃圾車經過，令到成間餐廳一陣垃圾味。有客人忍唔住,經多次要求後侍應才把大門關閉。仲有我一起身侍應就急不及待抹枱，成條抹枱布抹到我隻手上！依篇食評係想管理層能注意到問題，下次幫襯時，希望有所改善。