一粥麵

Open Now

Now Closed

今日屋企冇飯食，一放工搭車去到愉翠園就諗住買啲野返屋企食，去到呢間店睇睇餐牌，就不如食個粥加腸粉，所以我就叫了一個豬潤魚腩粥和一個牛肉腸粉返屋企。返到屋企就急不及待開黎食，個粥份量適中，入面有幾塊豬潤，和幾舊魚腩，但豬潤好鞋，一點都不滑，魚腩都唔滑，仲要幾散下，個粥底都算綿，加左蔥花和花生都幾香。牛肉腸就簡直係垃圾，腸粉好硬，又厚，牛肉佢用上碎牛，一啲口感都冇，就算加左調味醬都唔可以起死回生，真係難食到一個點！平時一粥麵啲野都算幾好，今次真係好鬼死失望，我諗外賣既質素可能差啲卦。