樂麵

Open Now

Now Closed

開幕第一日就黎試下，都預左試業時安排會差啲，所以排耐啲排左半個鐘都無咩大問題，但係估唔到啲作為一間餐廳最重要嘅食物竟然咁令人失望。個湯的確係好濃。但點左最貴的醉雞湯底竟然一啲酒香都無。問店員佢話全部湯都係用同一個白雞湯底，係再加調味變做其他兩種，可能調完弱啲唔覺----咁我加廿蚊買個貴啲嘅醉雞湯黎做乜? 最貴的果碗醉雞麵竟然最少料，荀同菜都無，淨得三“片”雞同一“片”鴨，仲要有雪味。另外果碗胡椒豬肚湯都可以嘅......但淨係飲到胡椒嘅辣味，搶哂其他味。份餃子不過不失，無乜特別。價錢方面...去食日本拉麵應該同一價錢食得豐富好多囉。最後有樣唔明，點解個舖位設計到有兩邊bar枱但係淨係坐到一邊人?本來以為佢試業唔夠人手先唔放人坐滿，但睇真如果另外果邊都坐埋咁中間連上菜位都無了。