Oslo (Closed)

平日自製假期，和男朋友放假到處走、到處吃。來到九龍城，去吃過tea，見到oslo都多好評，一於去try下。平日關係，冇乜人唔洗等位，out door有兩張枱，可以俾養寵物or食煙嘅人坐。裡面座位都寬闊，不過裝修比較殘舊，椅子爛左都就咁痴黑膠紙，白色牆身都花哂，環境有點扣分。椒鹽雞翼（$32）我們點了一個雞翼下午茶set，雞翼賣相吸引，入口外脆內軟，肉汁仲keep住，但椒鹽味遜色，雞翼好似醃得唔夠味。薑茶餐配薑茶加返d分，薑味十足，入到喉嚨會有點辣，唔似就咁開水沖果d。石板街多士層層疊平時食窩夫、梳乎厘、pancake比較多，多士層層疊是怎樣呢？好奇害死貓啦今次！d丹麥多士條好硬，食到有幾次都摑口！