金記冰室 (八號花園) (Closed)

由於好想搵返好食既干炒牛河，所以基本上如果間茶餐廳有干炒牛河既，都會試。今日係大埔中心路過見到金牌冰室，見餐牌寫住金牌干炒牛河，咁就梗係試下啦！結果...味道同牛肉份量係好及足夠既，但成個粉係凍既，包括牛肉，最大鑊牛肉係乾既。雖然凍檸茶好飲，但都補唔返。凍飲加$3，盛惠$53。你話好貴，又未至於，但下次會否再幫襯又真心要考慮，始終附近真係好多食店選擇。