宗像牛肉屋 (Closed)

今日2點零鐘去到宗像，滿心期待試食日式牛肉飯。 當時店內無其他客，我們便點了2份日牛餐分別$168及$268。 上餐時發覺飯唔熱只是微暖，飯份量少，啲飯有啲硬仲有飯焦同太咸牛肉都ok, 我一邊食一邊諗吉野家牛肉飯都好食過佢至少飯係熱騰騰呀！ 我老公嗰份仲離譜啲飯全部都係飯焦佢免強食左幾啖但真係頂唔順，係煲底嘅飯焦色都變埋。 當時有其他客人入黎，廚師就同啲客講飯未煲好要等。 我就明白原來我地食嘅飯係冷飯，我地落單時未有其他客佢地可能又唔想再煮就將隔耐左嘅飯俾我地食。 我就同個廚師講我先生啲飯全部係飯焦叫佢換過，個廚師都肯換最後等左十零分鐘先換過啲剛煮好的飯，仲送左隻溫泉蛋。 其他客的餐打開蓋都熱騰騰同我地嘅餐差好遠！ 埋單時我同個女待應講，其實唔應該有呢啲事發生，如果無飯妳可以叫我等或者早啲關門唔做生意但俾啲咁劣質食物客人真係離譜扣晒分。 個女待應仲話佢地新開，會叫師傅再預算下，飯煲內幾多寸飯先可以俾客食，我地覺得呢個答案好牽強囉！不如直接啲以後唔會有同類事情發生，做廚師唔係唔知飯焦唔可以俾客食吖！ 我地都有襯呢間老細開嘅拉麵店都okay ，估唔到係呢度會咁。我先生話如果佢啲飯唔係咁