Video
Read full review
2018-06-03
940 views
今晚提早造節，一次過慶祝晒家姐生日、父親節和端午節，原因係家姐月中會去東歐旅行。家姐提議來這裡吃晚飯，試下啲懷舊菜得唔得。好彩一早訂了位，外面仲有人等緊位。人山人海，感覺好嘈，冷氣又唔夠。我哋一共8人，店員極力推介我哋食個懷舊6人餐，話好抵食，又唔收加一，加番兩件窩貼大明蝦都只係每件$16，嫌唔夠食就可以加多個菜。見佢咁有誠意，卒之俾佢氹咗落搭。無幾耐，另一位店員就拎張上菜紙來，雖然餸菜是一樣，但係飲品就唔一樣囉。佢話本來呢個餐是跟一枝啤酒的，不過未領到酒牌，所以就話換兩罐汽水俾我哋。不過，明明張菜單是寫明跟三罐汽水的，點解依家只跟兩罐! 佢話一切跟電腦入單喎….我話你都痴嘅，你個咩電腦我唔理，我亦唔係貪多一罐汽水，我只是唔明菜單和上菜紙會唔一樣啫，咁唔老實。卒之，佢都係攞多罐汽水俾我哋。茶位收13元，都幾貴。啲茶沖多兩次水就無晒茶味。【金錢雞叉燒燒鵝】叉燒OK，燒鵝麻麻，金錢雞比唔上得龍嗰啲，失望!【馳名貴妃雞半隻】肉質嫩滑，味道OK，不過略嫌斬得大件。【川貝杏汁燉白肺】搵唔到豬肺，免強搵到件排骨。湯係無川貝味，亦無杏汁味，劣品!【窩貼大明蝦】落單時，講得好清楚要加多兩件，點知都係嚟
好彩一早訂了位，外面仲有人等緊位。人山人海，感覺好嘈，冷氣又唔夠。
我哋一共8人，店員極力推介我哋食個懷舊6人餐，話好抵食，又唔收加一，加番兩件窩貼大明蝦都只係每件$16，嫌唔夠食就可以加多個菜。見佢咁有誠意，卒之俾佢氹咗落搭。
無幾耐，另一位店員就拎張上菜紙來，雖然餸菜是一樣，但係飲品就唔一樣囉。佢話本來呢個餐是跟一枝啤酒的，不過未領到酒牌，所以就話換兩罐汽水俾我哋。不過，明明張菜單是寫明跟三罐汽水的，點解依家只跟兩罐! 佢話一切跟電腦入單喎….我話你都痴嘅，你個咩電腦我唔理，我亦唔係貪多一罐汽水，我只是唔明菜單和上菜紙會唔一樣啫，咁唔老實。卒之，佢都係攞多罐汽水俾我哋。
茶位收13元，都幾貴。啲茶沖多兩次水就無晒茶味。
【金錢雞叉燒燒鵝】
叉燒OK，燒鵝麻麻，金錢雞比唔上得龍嗰啲，失望!
【馳名貴妃雞半隻】
肉質嫩滑，味道OK，不過略嫌斬得大件。【川貝杏汁燉白肺】
搵唔到豬肺，免強搵到件排骨。湯係無川貝味，亦無杏汁味，劣品!【窩貼大明蝦】
落單時，講得好清楚要加多兩件，點知都係嚟得6件。追問番個店員，等咗10分鐘才補回兩件出來。味道係好嘅，多士係好鬆脆的。
【蓮香霸皇鴨】
呢個菜就似樣啲，鴨炆得腍。裡面有好多蓮子、白果、栗子和鹹蛋黃。味道唔錯。【生炆斑頭腩】
以份量來計，所謂斑頭腩只佔兩成，其他八成係冬菇片、豆腐、小唐菜、蒜頭和肥燒肉皮。【鮮蝦荷葉飯】
無荷葉香味，只是一個普通炒飯。以上幾道菜食完好耐，幾個店員都追問過我哋可以上甜品味? 我哋都答咗幾次未得，原因係個【甜梅菜蒸菜心】一直都未來。我哋提出要取消，佢哋又話整緊，好快出來......卒之，由落單嗰刻計起，等咗個半鐘。(嘩! 唔通啲菜心要蒸個半鐘? 點食呀?)
卒之等到碟菜心出來。食落，菜心的而且確有甜梅菜味，不過，咁細碟收 $78，又貴咗啲。
【香滑馬拉糕】
馬拉糕切片上，方便食。是香的，不過唔覺滑。【蓮茸焗布甸】
呢個都焗得香，裡面有蓮子茸，唔太甜，算唔錯。埋單時，睇到兩件追加的大明蝦收 $36，哼! 落單時，明明話每件收 $16，依家就兩件收 $36，個電腦真係有問題! 不過，我哋都費事嘈。一蚊 tips 都唔會俾!
Post
