大呷台灣 (Closed)

今日約左係附近返工嘅朋友黎食lunch。可能係下就嘅關係，店內無麼人，所以叫嘅野食好快到。叫左個蔥油雞拌麵套餐，賣相非常好。但一食，就好失望。拌麵唔止硬甘簡單，係直頭未熟，中間仲係有小小白色嘅，食左一半已經頂唔順。蔥油雞，其實份量唔少，但雪味極重，好似係一直係雪櫃雪住，有客點就出甘。雞肉都算滑嘅，而且個汁都好惹味，配飯應該一流。但d雪藏味真係蓋過一切，食左幾舊已經頂唔順。小食鹽酥雞水準都幾參差，我果份炸得ok，但朋友果份，好乾下。不過味道都唔錯。成餐最好味係杯野飲，粒粒芋頭都好粉好棉，又甜甜地，好好食。總結，呢個lunch set $80蚊買單，呢個價錢係出面可以食到更有誠意更好味嘅台灣野。