酒肉·朋友 (Closed)

上網見有唔少正評，又有朋友推介，一於嚟試下呢間居酒屋。位置比較隱蔽，如果唔熟路嘅朋友記得睇地圖🤣我同朋友2個人，去到約8點，幾乎已full，好彩book咗位。坐低叫咗2杯啤酒就叫嘢食。眼見舖頭伙記好少，大概等咗半個鐘有多先有嘢食，非常餓😥一嚟有吉烈蠔，味道正常。跟住上咗幾款牛串燒，都係中規中矩。吉烈蠔，ok。牛串、簿牛舌。牛肉秋葵、牛柳。然後嚟咗2個小食，算係今餐比較好的選擇。櫻花蝦炸豆腐幾特別～芝士年糕櫻花蝦炸豆腐然後再嚟嘅串燒同小食就更加普通，甚至令人失望。可能因為份量好細而且上得較慢，又食得唔係好飽☹️以下有幾項中伏的，不推介：八爪魚鬚(冇圖)，冇調味，好似食緊膠🤢多春魚，$18只得一條，極唔扺🤢清酒煮硯，有幾隻個殼爛咗都未開口，不太新鮮，而且完全冇清酒味。雞腎，上枱時凍的，唔知係咪未熟😥因為唔夠飽，加咗2款本月推介，反而唔錯。封門柳，上面加咗生蒜同生洋蔥，唔錯。雞皮餃子，脆卜卜幾特別，個餡就一般。整體用餐體驗唔係幾好，唔夠飽都走，冇乜嘢想encore怕又伏。點知埋單仲要每人400幾蚊，真係完全唔值😖雖然串燒本身唔係平，但今餐無論質素定份量上都一定唔值400蚊一位，唔會有下次☹️