Video
Read full review
2014-06-04
1114 views
因為今次真係一個差經驗 令我返到屋企即開acc寫我第一篇食評難得今日男朋友收早, 可以同佢去食飯隨便在openrice搵 見到呢間食拉麵 冇負評 亦都睇過其他人share話唔錯但冇諗過第一個負評會由我俾......我地大慨7點30去到 唔洗等就有兩個bar位坐因為我地都好肚餓睇咗陣menu就叫野食拉麵有幾種味道 有鹽, 味噌, 醬, 蒜味, 金拉麵等等 但佢唔同拉麵配料都會有啲唔同但基於呢個原因，有個客叫咗一款拉麵走蛋, 但個侍應就好混亂 不停問廚房邊個係走蛋...點解佢要將唔同味拉麵配唔同料..好似醬油味拉麵有蛋 但係鹽, 味噌係冇蛋配 所以最後我地分別叫咗醬味同蒜味將軍再加芥末炸雞全場滿座大約廿個人 我地等咗25分鐘以上一樣野都未黎 其間已經見到有兩枱人摧單好奇下了解佢地嘅運作 店面只有一位男侍應負責 先由男待應落單 佢唔會用任何紙張只係用口講俾一個女服務員知 女服務員就用本簿記低 再口講俾拉麵師傅 成晚就不停聽到拉麵師傅重覆咁問有幾多個醬油拉麵幾多個味噌拉麵等等等等 然後就到女服務員重覆咁答 到拉麵整好 就到男待應重覆問女服務員係邊張枱 女服務員全晚淨企係到對住本簿omg.. 我
難得今日男朋友收早, 可以同佢去食飯
隨便在openrice搵 見到呢間食拉麵 冇負評 亦都睇過其他人share話唔錯
但冇諗過第一個負評會由我俾......
我地大慨7點30去到 唔洗等就有兩個bar位坐
因為我地都好肚餓睇咗陣menu就叫野食
拉麵有幾種味道 有鹽, 味噌, 醬, 蒜味, 金拉麵等等 但佢唔同拉麵配料都會有啲唔同
但基於呢個原因，有個客叫咗一款拉麵走蛋, 但個侍應就好混亂 不停問廚房邊個係走蛋...點解佢要將唔同味拉麵配唔同料..
好似醬油味拉麵有蛋 但係鹽, 味噌係冇蛋配 所以最後我地分別叫咗醬味同蒜味將軍再加芥末炸雞
全場滿座大約廿個人 我地等咗25分鐘以上一樣野都未黎 其間已經見到有兩枱人摧單
好奇下了解佢地嘅運作 店面只有一位男侍應負責 先由男待應落單 佢唔會用任何紙張只係用口講俾一個女服務員知 女服務員就用本簿記低 再口講俾拉麵師傅 成晚就不停聽到拉麵師傅重覆咁問有幾多個醬油拉麵幾多個味噌拉麵等等等等 然後就到女服務員重覆咁答 到拉麵整好 就到男待應重覆問女服務員係邊張枱 女服務員全晚淨企係到對住本簿omg.. 我坐係bar枱 成晚就聽到佢地嘈 好煩 想靜少少同男朋友傾下計都唔得
餓咗好耐 終 於 有 拉 麵 先有醬將軍
湯底一般, 叉燒肥美, 蛋少少流心但一啲味道都冇 蛋黃都冇味 可以係話我食過嘅蛋最唔好味之後到芥末炸雞
初時以為炸雞係芥末味道 原來係一碟炸雞配芥末醬自己點 不過不失 唔錯 但啲醬希望可以再多啲最後係蒜將軍
係有蒜味但冇乜蒜粒 蒜味唔重 唔似豚王嘅蒜香味咁香 男朋友都話蛋係冇味最後終於食飽 言語間聽到男侍應話唔夠匙羹用 佢見到我碗麵食晒就話幫我收咗佢 但我嗰時仲食緊炸雞 用緊個碗盛住 咁你唔夠匙羹用都唔係咁對客架嘛...
食完麵口乾叫侍應幫我斟水, 佢就話''等一等, 好唔好''
佢好趕咁斟咗咁少嘅水, 而我男朋友嗰杯淨返好少都冇幫佢斟... 啲服務真係......見到出面竟然有人排隊可能都係因為好似我咁呃咗黎食...
環境有啲迫因為佢想做多啲生意就叫我地bar枱坐迫啲 坐得唔舒服又要聽佢地同廚房之間對答
令到我地都想早啲走, 叫買單 個男侍應又話''等一等,好唔好''
佢地嘅單唔會寫明食咩 係用英文同數字代替 我地俾完錢先發覺佢好似計多咗...但因為我地都唔想再逗留 趕住俾錢走冇為意 因為係由嗰位女侍應計 人手mark野亂晒
醬將軍($78)+蒜將軍($80)+芥末炸雞($34)=$192 佢收咗我$224 收多$32 初時諗係咪加一, 但加一都冇32咁貴啦 諗起都嬲 你話好食俾多咗條氣都順啲 但依家唔係
味道: 一般, 我男朋友話唔好味, 蛋唔好食, 拉麵味道唔突出, 食完好口乾
環境: 裝修唔錯但位子小, 多人時有啲迫
服務: 惡劣, 等野食好耐, 如果大家係趕時間就唔好試, 話就話即叫即整, 但其實你落咗單佢都仲係整緊上張單或者係上幾張單 咁樣好難講佢唔係即叫即整囉, 男侍應似係老板但態度差, 女侍應角色好多餘 如果轉用電腦或寫紙落單可以代替咗個女侍應 佢又可以出店面幫埋手 而我耳根都可以清靜得多...
其實佢都唔係新開張, 點解仲可以咁落單法, 少人還可, 如果好似今日full晒就手忙腳亂...
價錢: 唔係好抵食...咁嘅價錢我寧願俾多少少去豚王或者魂
總結: 唔會再去食 服務同野食都唔會吸引我再去 唔明點解咁多好評 而某啲評論差唔多介紹晒佢店入面嘅野食又影晒廚房等等嘅相 其實去到就知 一般食客係冇可能影到佢個廚房...下次我會好好分析其他人食評可唔可信先會去試... 如果俾錢時記得留意張單
Post
