廣島沾麵本舖爆彈屋 (Closed)

我係日本廣島食到這間爆彈屋既「冷沾麵」，返到黎香港都非常之掛住，真係超想食返。但最近發現原來香港有開這間店舖，第一時間同老婆去試啦，開頭上到來滿心歡喜去食個「冷沾麵」啦，點不知，死火喇，入到去根本間店唔係專食沾麵拉麵既舖頭，而係似專飲酒食小食既地方多，日本好多居酒屋都係咁，但係這間舖唔係專食沾麵既咩，連最基本一杯水或茶都冇，都唔緊要，之後我地叫左兩個「冷沾麵」，一來到，開心地去試下聞下既味道，聞既味道都有少許似廣島既，「冷沾麵」最重要係個冷麵汁，樣就似喇，但食到落口完全兩回事，個汁食落口唔香完全冇醋味，芝麻又唔香，成個汁仲有少少煙燻燶味，個麵又唔冰凍仲帶有少許微暖，整體上好失望，仲諗住可以食到日本「冷沾麵」既味道。我唔會再去第二次了。