祥仔辣辣 (海運大廈) (Closed)

二人餐 $498🌶️絕味辣子雞全餐最好味既野，雞粒好多，雞肉香口但唔會好乾🦐乾燒大虎蝦蝦肉有D霉，有隻仲有D腥味🥹個汁就幾好，甜甜辣辣咁🐟招牌祥仔酸菜魚Um…一言難盡，佢魚好滑無咩骨，但係個味道完全唔係酸菜魚😅又無酸菜味，又唔辣，上面仲有D rosemary😐🥔酸辣燴炒土豆絲酸味夠，幾開胃🥢辣辣脆鱔｜酸辣萵筍海蜇｜香辣木耳前菜表現正常，脆鱔炸得好脆，包裹埋甜甜地既汁，唔錯☺️🍮仙草凍略嫌甜左D，主要食既係花奶既味整體黎講，個二人餐好抵食，申請埋個會員，套餐只需要$398💁🏼‍♀️佢每個菜既份量都超級大，兩個人根本食唔曬😂但係味道就麻麻，我見網上好多好評，或者下次單點質素可能好D😞