Video
Read full review
2018-10-07
300 views
第一次寫食評，我係超級懶，從來覺得寫食評好花時間，但今次一路食已經一路諗要寫咩，太多嘢想講。雖然話失望，但都有值得讚嘅地方：知道黃埔開咗時新，但睇咗一啲報導話唔係正貨，所以冇幫襯，因為時新係有感情，由細開始食，係久不久會心掛掛嘅食物，所以見到呢間舖就想試下，回味一下記憶嘅味道。今日個漢堡蛋包，真係記憶中嘅味道，漢堡juice，蛋香，沙律汁同以前一樣，好開心keep 到。炸雞翼，一樣水準，皮脆，juice，時間剛好唔嚡，好耐冇食過咁好味，咁有heart 嘅雞翼。叫咗個雞扒意粉，雞扒都好得，雖然有比較，雞翼好味啲，但雞扒都比好多餐廳好食。但都係唔會再幫襯，因為：1）飲咗第一啖奶茶已經決定唔再幫襯，淡過水，冇茶味、冇奶味，接受唔倒老式快餐店有一杯咁嘅奶茶，仲要已前唔係咁㗎，只係冇俾心機。2）大家記得我係食雞扒意粉，我都講咗雞扒好得，但個意粉，根本係一種侮辱，點解會俾錢食一碟咁難食嘅意粉，意粉overcook，淋咗啲紅色叫茄汁嘅嘢，完全冇味，我本身好鍾意食意粉，而且我係一個惜食嘅人，叫咗嘅嘢儘量食哂唔浪費，但呢碟冇味又淋叫茄汁意粉嘅嘢真係食唔落。3）我最接受唔倒係全部用即棄餐具，而家大家都講還
雖然話失望，但都有值得讚嘅地方：
知道黃埔開咗時新，但睇咗一啲報導話唔係正貨，所以冇幫襯，因為時新係有感情，由細開始食，係久不久會心掛掛嘅食物，所以見到呢間舖就想試下，回味一下記憶嘅味道。
今日個漢堡蛋包，真係記憶中嘅味道，漢堡juice，蛋香，沙律汁同以前一樣，好開心keep 到。
炸雞翼，一樣水準，皮脆，juice，時間剛好唔嚡，好耐冇食過咁好味，咁有heart 嘅雞翼。
叫咗個雞扒意粉，雞扒都好得，雖然有比較，雞翼好味啲，但雞扒都比好多餐廳好食。
但都係唔會再幫襯，因為：
1）飲咗第一啖奶茶已經決定唔再幫襯，淡過水，冇茶味、冇奶味，接受唔倒老式快餐店有一杯咁嘅奶茶，仲要已前唔係咁㗎，只係冇俾心機。
2）大家記得我係食雞扒意粉，我都講咗雞扒好得，但個意粉，根本係一種侮辱，點解會俾錢食一碟咁難食嘅意粉，意粉overcook，淋咗啲紅色叫茄汁嘅嘢，完全冇味，我本身好鍾意食意粉，而且我係一個惜食嘅人，叫咗嘅嘢儘量食哂唔浪費，但呢碟冇味又淋叫茄汁意粉嘅嘢真係食唔落。
3）我最接受唔倒係全部用即棄餐具，而家大家都講還保，好多餐廳都開始走塑，但我今日用咗一大堆紙碟、膠义、膠刀、紙杯，好唔開心，好唔安落，大家可能會話用即棄餐具係因為請唔到洗碗工人，但環保係要大家一齊努力，其他餐廳都得，總有方法。
4）收銀好hea，我哋叫嘢食好似阻住佢咁，好似唔想招呼客人，本來都算，但我哋叫雞扒意粉，坐低咗先發現佢打咗雞扒飯，即刻行埋去同佢講，佢就好大聲同廚房講個飯要轉意粉，喂，唔係我叫錯而家要轉，係你做錯嘢，咩態度呀。
5）最後係我男朋友嘅意見，貴！$50雞扒意粉，雖然雞扒好味，但意粉完全食唔到，即係$50食一塊雞扒。
Post