泰國人海南雞 (弼街) (Closed)

成日經過見到都有唔少人食,今晚終於的起心肝走入去.當然一定係食海南雞飯$36,可惜雖然係油飯,但非常硬,雞肉又鞋,只有雞皮係滑,但係食得多雞皮無益架痲.啲雞又唔係多,失望!另外試咗黃咖喱雞飯$39,可惜食唔到咖喱味,只有辣味,雞還可以;飯依然是硬的.最不知所謂就是叫咗一支椰青樂,跟餐加$12,完全又無椰子味又無椰青味,飲落去仲以為飲緊許x山的芒果撈,樽入面雖然有好多條所謂的椰子肉,但用飲管是飲不到的,倒出來吃,完全感覺唔到是椰子肉,都唔知食緊啲乜.食完完全沒有滿足感,$87就咁不明不白無咗.