Monster Sushi (Closed)

放工同男友入isquare搵食，經過呢間好似唔錯，平時個個星期都去食壽司既我地，見到呢度d野食都好吸引，所以都一試。清酒煮蜆 - 無味，d 蜆有沙。酒味勁唔特出。軟殼蟹卷 - 同個沙律醬味完全唔夾，怪怪的。八瓜魚壽司 - 無味，而且太細塊，唔抵。三文魚壽司 - 一般。燒雞奕 - 如果加多少少盬會更好。重叫左個蕃茄湯咩咩肉烏冬 ... 都係好普通，湯太淡。個環境係幾舒服，服務都唔錯，但野食唔得。我覺得出面普通一間壽司店都好食過佢，所以我都唔睇好。