抹茶館 (Closed)

食過北海道札幌果間，又試過鑽石山果間，食物和服務都覺得不錯。今日心癢癢，便去屯間哩間再嚐綠茶滋味。結果...我們先點了以下食物：1. 卡邦尼烏冬：味道很好，只係卡邦尼有點膩，推！2. 照燒雞扒飯：味道好，但份量少。3. 兩杯忌廉抹茶（熱）（是我最期待的）：點知送上沒忌廉的抹茶，我們說點的是忌廉，侍應才沒禮貌的加入忌廉再送來。第一口的味道不錯，但愈飲愈澀，體會之前有食評寫「杯綠茶比人生還苦」的味道。其實是調配的份量有問題，落得太多綠茶粉，根本無法飽和，飲完即頭成口粉。要求侍應加奶，她說份量已調好，「冇得加奶，只可加水，或糖漿」，結果無奈地加了糖漿。但我好肯定鑽石山果杯唔係咁苦澀，係好好味架！4. 抹茶銅鑼燒：餅底不錯，再熱d就更好！可惜上面的綠茶cream都係有太多粉。5. 綠茶雪糕白玉：哩樣終於冇太多茶粉，最好味！整體來說，好失望！以抹茶為賣點的食肆，d綠茶竟然咁難飲。屯門咁多好選擇，除左杯綠茶軟雪糕，應該唔會再幫襯！