不倒翁中日火鍋料理 (Closed)

雖然環境不錯，但除此之外，全 部 都 好 垃 圾。（我係打邊爐）撇除價錢因素，先講最重要嘅食物，佢聲稱刺身好出名，但我食到嘅係腥味，同唔新鮮嘅怪味。🤢打邊爐必備嘅肥牛，味道還好，真心覺得supermarket啲肥牛仲正。 最最最反感係，唔乾淨！💩其他食物唔講啦唉不過湯底唔錯嘅，都多選擇。👏🏻談到服務態度，真係想講粗口！我一坐低， 見menu上無茶，就問侍應A有無茶，佢話等等。打邊爐打到一半，我再問侍應B，又係不了了之。賣單時候，我問侍應C，佢答：😶有呀，你睇吓張單，我哋已經收咗你茶錢！ 😒😒😒😒😒😒😒😒😒😒我反映過，佢啲食物污糟。 我: (指住塊肥牛) 好核突，下次留意吓先出比人。侍應: 你個湯污糟 hi污糟塊肉。我: 個湯咪又係你地嘅！待應竟然 唔 出 聲 行 走 左。重點係 肥牛係未放過落湯。好好好失望，絶對唔會再黎。