Video
Read full review
2017-09-06
1208 views
睇演唱會之前，去一去黃埔食啲野。喺Openrice 見到呢間，似乎唔錯，就特別去試下。因為我地勁早，6點就去到，無乜人，有都係仲食緊 tea 嘅客。但係呢度嘅侍應好似未在狀態，我地企咗喺門口等帶位都等咗成分鐘，但又唔知可唔可以自己搵位，有少少不是味兒。我叫咗個 all day breakfast ，男友叫左份黑松露野菌意粉。我個all day breakfast 個炒蛋炒到熟過龍，炒到變一粒粒，好難食。個牛角包又淋晒，變得好油。然後條腸，又唔係佢menu 張相嘅雞肉腸，有啲咸。其他都係不過不失。仲有，係唔可以信佢menu 嘅相，要睇清楚啲細字。男友嘅黑松露野菌意粉喺menu 上張相係有件煙三文魚嘅。上菜時發現無，點知原來佢件三文魚係要加錢嘅。嗯，好奇怪嘅手法。食完main，好想食甜品，我諗住熟食唔得，甜品都應該得嘅，因為都唔算難整嘅野，同埋我見到佢個心太軟係用movenpick，我心心眼咗，就即刻叫一個。個心太軟偏苦，同埋佢movenpick 雪糕係勁細粒，仲係用好大個cream 托住咋。但cream ，雪糕同心太軟唔合比例，就令個甜品錯晒。呢度連service 都唔得，除咗一開始被忽
因為我地勁早，6點就去到，無乜人，有都係仲食緊 tea 嘅客。但係呢度嘅侍應好似未在狀態，我地企咗喺門口等帶位都等咗成分鐘，但又唔知可唔可以自己搵位，有少少不是味兒。
我叫咗個 all day breakfast ，男友叫左份黑松露野菌意粉。我個all day breakfast 個炒蛋炒到熟過龍，炒到變一粒粒，好難食。個牛角包又淋晒，變得好油。然後條腸，又唔係佢menu 張相嘅雞肉腸，有啲咸。其他都係不過不失。
仲有，係唔可以信佢menu 嘅相，要睇清楚啲細字。男友嘅黑松露野菌意粉喺menu 上張相係有件煙三文魚嘅。上菜時發現無，點知原來佢件三文魚係要加錢嘅。嗯，好奇怪嘅手法。
食完main，好想食甜品，我諗住熟食唔得，甜品都應該得嘅，因為都唔算難整嘅野，同埋我見到佢個心太軟係用movenpick，我心心眼咗，就即刻叫一個。個心太軟偏苦，同埋佢movenpick 雪糕係勁細粒，仲係用好大個cream 托住咋。但cream ，雪糕同心太軟唔合比例，就令個甜品錯晒。
呢度連service 都唔得，除咗一開始被忽略，中段叫埋單都聽唔到咁。上菜手法又唔純熟，要我地幫手拎開啲野。唔... 好失望。
Post
