ADD+ (Closed)

今日來試食，支持第一天開業。海南雞飯不過不失，較有特色是雞油飯加重薑味，但個湯落左十倍鹽，咸到飲唔到！蟹粉蝦餃不錯，多蟹粉。海參雞扎海參超大件，但勁腥而且吸唔到上湯，無味，寧願俾返舊花膠俾我。雙式雞蛋仔㨂左綠茶及伯爵茶味，前者無味後者都幾香，上菜時夠脆，最好係呢樣。飲品㨂凍朱古力，普通料，飲左一啖仲俾侍應打瀉埋，當然都沖過杯俾我。現場都間中有整跌野打爛野嘅情況，可能因為第一日運作啦，希望日後改善，不過以佢嘅性價比，唔太鼓勵客人睇佢有冇改善。