Video
Read full review
2022-01-10
2107 views
以日本高級餐廳收千六蚊一位嘅 Omakase lunch，原來換來係呢啲服務? 劣評1: 餐廳經理無check清楚就帶位，結果入完去餐廳又出門口等再入，都算...劣評2: Omakase 頭兩道前菜，同廚師都無任何交流，有完全唔知食咗啲乜落肚嘅感覺，到第三道菜上，要我男友出聲問「係咩嚟?」，先開始介紹，原來要問先會介紹？唔問就一直唔出聲？印象中 Omakase 係廚師會主動介紹自己安排嘅食物俾客人，係服務嘅一種，感覺廚師唔係好專業，定係呢間餐廳無呢個習慣去介紹？劣評3: 開頭餐廳職員有問我地有無食物敏感同偏好，我有講到要走蔥，結果上到第六道菜，就有成堆蔥喺我個碗湯度...之後再三提醒，到最後上烏冬麵就有走返蔥。雖然我唔係食物敏感，但呢種大意喺日本高級餐廳嚟講，的確係唔合格。劣評4: 茶水飲完好耐，無職員察覺要refill，男友叫咗一次職員，但個職員又行開無即時斟茶，男友已經開始黑面話：點解好似去咗酒樓叫阿姐斟茶咁...劣評5: 我同男友兩份前菜（第二道）個擺盤唔太乾淨，一個碗底黏住一條疑似蘿蔔（唔多似裝飾，如圖），另一個碟邊有滴汁，又係感覺到唔太專業...總括嚟講，性格比好低，尤其服務
劣評1: 餐廳經理無check清楚就帶位，結果入完去餐廳又出門口等再入，都算...
劣評2: Omakase 頭兩道前菜，同廚師都無任何交流，有完全唔知食咗啲乜落肚嘅感覺，到第三道菜上，要我男友出聲問「係咩嚟?」，先開始介紹，原來要問先會介紹？唔問就一直唔出聲？印象中 Omakase 係廚師會主動介紹自己安排嘅食物俾客人，係服務嘅一種，感覺廚師唔係好專業，定係呢間餐廳無呢個習慣去介紹？
劣評3: 開頭餐廳職員有問我地有無食物敏感同偏好，我有講到要走蔥，結果上到第六道菜，就有成堆蔥喺我個碗湯度...之後再三提醒，到最後上烏冬麵就有走返蔥。雖然我唔係食物敏感，但呢種大意喺日本高級餐廳嚟講，的確係唔合格。
好多蔥嘅蜆湯
24 views
1 likes
0 comments
走咗蔥嘅烏冬
23 views
0 likes
0 comments
劣評4: 茶水飲完好耐，無職員察覺要refill，男友叫咗一次職員，但個職員又行開無即時斟茶，男友已經開始黑面話：點解好似去咗酒樓叫阿姐斟茶咁...
劣評5: 我同男友兩份前菜（第二道）個擺盤唔太乾淨，一個碗底黏住一條疑似蘿蔔（唔多似裝飾，如圖），另一個碟邊有滴汁，又係感覺到唔太專業...
第二道菜
28 views
0 likes
0 comments
總括嚟講，性格比好低，尤其服務上係遠低於預期，只係食物質素整體OK還好，比較滿意係和牛、牡丹蝦刺身同個蜜瓜甜品，但第二道前菜D橙色醃筍超鹹；埋單計返，呢個價錢我哋去酒店食個好D嘅 lunch，都可以食兩至三轉🌚。
蜜瓜甜品
25 views
0 likes
0 comments
刺身拼盤
19 views
0 likes
0 comments
燒和牛粒
22 views
0 likes
0 comments
Post
