Kind Kitchen (Closed)

Green Monday 諗支持下食素，隱約記得上環有間西式素食，一放工就過去。去到發現想食的餐廳已結業，旁邊的Green Common就擴展開了Kind Kitchen。之前都試過未來漢堡，味道都唔錯，見佢又係西式素食，就入去坐低。以晚飯時間來說，人流唔算多，都坐得舒服。不過服務就一般，侍應都圍埋傾計，未算周到。打開menu，有好多招牌素肉。越南越愛嗰名夠gimmick, 實為素牛肉越式湯河。先聞一下，香味不濃郁，反而有好濃的金邊粉味。再嘗一口湯，味道偏淡，有少少香茅味，薑味唔突出。素牛肉的確令我失望，以未來漢堡起家來說，素牛肉完全不成氣候，味道上只像滷過的面筋。成碗面最後要靠條辣椒先叫食得落口。菇菇意大利飯份量非常細，可以用少得可憐嚟形容。上碟時都不太熱。味道偏淡。成個飯只有一隻大啡菇，尚算juicy。意大利飯來説亦不算creamy。蕃茄串鮑菇比較清新的小食。先將鮑菇切至薄身，包住車厘茄後再煎香。車厘茄嘅juicy加埋煎香左嘅鮑菇，令口感同味道倍增。總括而言，以高價位西式素食來說，食物味道同服務都有點令人失望。