Video
Read full review
2013-09-27
1539 views
應女友人TW邀請食生日飯,約佢(23-9-2013 Mon)食啦.地點由我決定,我揀想試好耐o既呢間.我o地o黎到時都好早,但都已經有兩個客人,我o地坐最入o既二人枱,我o地揀o左兩個set dinner,$178.00o既美國豬扒配黑松露白菌汁同$158.00O既蒜片安格斯薄切牛小排欖油炒意粉.Order完後,是日餐湯好快到,我嗅到好香,但….青綠色o既係咩o野湯?試吓先,質地唔杰身,稀稀地,但內裡又有啲粒粒,真係飲唔出係咩o野湯,就連TW都話唔知係咩o野. =.=”蒜蓉多士同法國餐包都跟住到,TW要前者,我就要後者啦,熱騰騰o既,係真係熱到丟返入個籃o度.塗o左極少量o既牛油後食,質地硬硬地,不過冇問題o既.然後到鮮露筍蝦沙律,露筍清清地腍腍地,凍大蝦爽口,黑醋份量o岩o岩好,OK o既.TW o既美國豬扒配黑松露白菌汁到o黎,一客有兩件豬扒,我o地share o黎食,佢畀o左一件豬扒,一個薯仔同一件菇我.然後我o既蒜片安格斯薄切牛小排欖油炒意粉都到o黎,我亦同佢分一半.攪好就開餐喇.我先食,蒜片安格斯薄切牛小排欖油炒意粉,我食唔到蒜片味,薄切牛小排軟腍適中,但TW話似肥牛同有啲韌
我o地o黎到時都好早,但都已經有兩個客人,我o地坐最入o既二人枱,我o地揀o左兩個set dinner,$178.00o既美國豬扒配黑松露白菌汁同$158.00O既蒜片安格斯薄切牛小排欖油炒意粉.
Order完後,是日餐湯好快到,
我嗅到好香,但….青綠色o既係咩o野湯?試吓先,質地唔杰身,稀稀地,但內裡又有啲粒粒,真係飲唔出係咩o野湯,就連TW都話唔知係咩o野. =.=”蒜蓉多士同法國餐包
都跟住到,TW要前者,我就要後者啦,熱騰騰o既,係真係熱到丟返入個籃o度.塗o左極少量o既牛油
後食,質地硬硬地,不過冇問題o既.然後到鮮露筍蝦沙律,
露筍清清地腍腍地,凍大蝦爽口,黑醋份量o岩o岩好,OK o既.TW o既美國豬扒配黑松露白菌汁到o黎,
一客有兩件豬扒,我o地share o黎食,佢畀o左一件豬扒,一個薯仔同一件菇我.然後我o既蒜片安格斯薄切牛小排欖油炒意粉都到o黎,
我亦同佢分一半.攪好就開餐喇.我先食,蒜片安格斯薄切牛小排欖油炒意粉,我食唔到蒜片味,薄切牛小排軟腍適中,但TW話似肥牛同有啲韌.而意粉呢,外軟內實實地o既意大利食法,冇問題.
之後食TW o個啲,件菇竟然係辣,但TW話食唔到,而豬扒呢,由於我o個件冇汁o係面,所以我只食到件齋熟豬扒而已.
食先後,侍應即問我o地要咩o野餐飲,我要凍檸水,TW要熱檸水.好快,餐飲同甜品都到o黎,凍檸水自己加糖水,呢啲冇問題啦.
而甜品呢?細細件啡色o既,又係咩o野o黎呢?TW話好甜,但唔知係咩o野o黎.我問係味焦糖?都係食吓先,我覺得唔係好甜吖,而味道….我覺得係焦糖,而佢係焦糖mousse,底o既餅乾碎唔實,有啲鬆o既.味道係2.64分
服務:
唔錯,一路都有留意住客人收o野同斟水.
環境:
都幾焗,係冷氣唔均勻,除此之外都可以o既.
Post
