燒蝦蝦 (興泰大廈) (Closed)

去燒蝦蝦🦐夾流水蝦🥰再擦餐飽！仲有好多任燒海鮮呀～平日中午超抵食，仲要無限時，由11:30-15:30 食足4小時，可以慢慢食慢慢燒🔥，人頭$288 🫶🏻so happy 。屯門依間就喺屯門巿廣場附近，位置方便。用餐區好大，坐卡位旁邊就係流水蝦缸，隨時都可以夾上來燒。蝦肉有好多蝦膏，爽口鮮香。自助區嘅海鮮檔口，有鮑魚丶🦪蠔丶原條魚丶蜆丶東風螺等等，整體都新鮮。我就最like 鮑魚，夠新鮮不停郁。可以自己加埋多款調味，想牛油燒丶蒜燒丶孜然川式，咩都得。其他配料選擇都好多，肉類丶丸類丶蔬菜類。最like 有3種口味嘅雞翼，有款超辣好刺激，燒完皮脆肉嫩好香口🥰仲有燒菠蘿丶燒韭菜丶燒粟米我都好like 。最後嘆埋雪糕雪條超滿足。