天下糧倉牛肉火鍋專門店

Open Now

Now Closed

我真係勁愛打邊爐同時都好鐘意食雞煲今日搵到間2樣都有，仲要好味既真係好開心😆😆😆一個價錢，任飲任食澳洲M7和牛打邊爐如果想轉雞煲，只要加錢就得，仲可以無限追加雞肉🥰🥰🥰真係岩曬我呀！🔆奇味雞煲勁大煲雞肉、醬汁好濃郁，加埋啲芫茜，真係超級香，芫茜愛好者等芫茜吸埋啲汁真係好正！啲雞應該係煎炒過，啲雞肉唔易散又好嫩滑，真係食極停唔到口，最正係仲可以無限追加🥰🥰🥰🔆任點肉類一黎先上一碟頭盤，每款肉都有啲，排得好靚，每款都試下，全部都好新鮮！ 個人覺得打邊爐都係安格斯牛肩胛最好食！同埋鮮牛肉配雞煲汁都好正，肉質軟淋，加埋啲醬汁，真係又停唔到口😋😋😋🔆其他打邊爐配料自助吧種類都唔小，要有既都有，蔬菜、菇菌、丸、腸仔、午餐肉、豬頸肉、牛栢葉、鵝腸、豬大腸、煙鴨胸，另一個櫃仲有水餃同埋仲有雞煲必備既生根同響鈴，而且佢有好多不同種類既麪！調味料區都有好多選擇！🔆雪糕有好多味道，但因為好飽，我最後只試左薄荷同香芋，佢味道偏淡、唔會好甜，但味邊好濃！係食完超濃郁既雞煲後食，好清新！🥰