黃記煌三汁燜鍋 (Closed)

       今日落好大雨，仲要突然之間翻冷。一定要食D暖粒粒既野，哈哈。灣仔地頭蟲，想氣氛好就去街市大排檔，今日就想坐得舒服D，其實之前嚟過一次呢間黃記煌燜鍋，上次天氣有D熱，開大冷氣超正，今日食燜鍋另外一種享受。哈哈。      入正題，上次食雞，今次食海鮮，一大班酒鬼，海鮮配啤酒，爽歪歪。D蝦好大大大隻呀。係咪好開心呢，不過未熟。講解翻同傳統o既有咩唔同先，一個鍋，一個電磁爐，加加埋埋D新鮮食物，擺曬裡面，就好似張圖咁。聽D員工話，系好似練內功咁，用特製既不鏽鋼煲，用電磁爐將食物自己既水分逼出嚟。然之後自己煮。哈哈，聽D員工講，好似講緊D武俠小說咁。係咪真gar？哈哈，鋪左D醬汁再焗一焗。得，掂，正！唔講啦，乾杯先。不妨一試，一邊等一邊睇住燜鍋D煙升上嚟，越聞越肚餓，哈哈哈最後清曬D貨，仲可以加清湯打邊邊。暖粒粒。夜啦，雨停左就翻屋企啦。哈哈，我巴士站就喺樓下，啊強佢地要去地鐵站。（p.s.地鐵站要去時代廣場近D，穿過鵝頸橋街市就到啦，如果7下7下去灣仔地鐵站，行斷腳gar會。）麼麼噠(づ￣ 3￣)づ