芽莊越式料理

Open Now

Now Closed

同同事去moko食飯，見好耐無食越南嘢就衝咗入嚟。餐廳都算開揚，食個靚午飯絕對無問題。懶懶地叫咗兩個午市套餐($89)，不連餐飲。落單時問店員餐飲可唔可以轉做越南「熱」咖啡，佢話唔得，咁我哋就話唔要餐飲，佢話轉頭先叫餐飲(餐牌果4款)無得再享用加18蚊嘅優惠，要俾返正價價錢，咁都得?!唔俾人食食下先叫嘅~香茅雞翼炸得香脆，不過一食落就好大陣雪藏味。香茅串燒豬頸肉啱曬我哋呢啲食肉獸，啖啖肉，好多油份，亦有好香香茅味。河內雞絲湯粉湯底唔算太多味精，但得幾條雞絲。一碗湯粉要有嘅嘢佢都有齊，不過不失。鑊仔牛柳粒飯(+$18)加咗錢果然唔同啲。超多嫩滑牛柳粒，仲有細細粒嘅蒜頭，都算好味。