MOONKOK (K11 Art Mall) (Closed)

同朋友食完晚飯後意猶未盡，想食下甜品飲杯野，但附近好多舖頭都已經收檔（10點），難得呢間望落不錯，門口個經理話收12點，我地講明只係飲野及食甜品，經理話無問題咁就好啦試下。一坐低唔夠2秒，我連menu都未望清（4人只比了兩本menu），侍應A已經急不及待以背書形式sell 貴價item。我話唔該比小小時間我望望先，侍應A 唔知係咪怕我地齋坐唔叫嘢，或公司要求客人每分每秒都要消費，就又問我地要唔要sparkling/distilled water。救命，我入黎飲酒點解會想叫水？就咁來來回回應付侍應A都用左幾分鐘，而我真心連menu都未望到點落單？我再強調比小小時間，佢就真係成個人棟係度等你叫野！極奇怪！一輪糾纏下好難先打發開侍應A，點知唔夠2秒啊侍應B又立即上前，態度一樣地木訥但進取，又loop一次sell貴野。最後我真係有d火，我話你地d服務好奇怪，佢話咁可能我地服務唔適合你，咁好啦我算啦，立即轉參場。未落單都都一肚火，完全唔想幫襯。