Video
Read full review
2022-01-27
703 views
我老婆生日，本來因為自己做手術，在手術前一天提早同佢去食生日飯，點知手術後好快又趷到岀街，所以再同佢在正日食多餐。"好運"地book到銅鑼灣的舍利鮨食early dinner，"更好運"安排到龍師父做㕑帥發辦，點知便開始左奇怪的一餐。上到一樓，見龍師父準備中。口渴，叫師父介紹支酒飲下，順便配之後食物，點知佢叫我後面個女侍應介紹，我以為有個侍酒師咁利害企我後面，又唔係。佢問左幾個一般く都識問普通問題，一會兒攞左四支酒上來，擺喺我面前叫我選，我真係第一次在"有番咁上下級數"餐廳有咁待遇，奇怪。最後，選左支九頭龍山酒。個女侍應讚我揀得好，因為佢話個酒樽好特別，爭在未摸我個頭，叫我叻……(埋單先支支酒$1528，貴過個餐。山酒標價標到過千，飲咁耐山酒，今次真係長知識。)之後，開始吃。可能因為近排都食過幾次㕑師發辦，尤其是我地兩公婆生日battle的雲X和淡X(有時間會寫)，所以今次都係離不開食下時令食物，例如第n次食寒鰤魚咁，而且做法又無乜落地一聲雷。不過，食後想特別想一提係酸菜魚湯白子，有點Chinese做法。咁樣做，係連一向唔食白子的我都食到落口。因為我對白子的味道好sensitive，佢
上到一樓，見龍師父準備中。口渴，叫師父介紹支酒飲下，順便配之後食物，點知佢叫我後面個女侍應介紹，我以為有個侍酒師咁利害企我後面，又唔係。佢問左幾個一般く都識問普通問題，一會兒攞左四支酒上來，擺喺我面前叫我選，我真係第一次在"有番咁上下級數"餐廳有咁待遇，奇怪。最後，選左支九頭龍山酒。個女侍應讚我揀得好，因為佢話個酒樽好特別，爭在未摸我個頭，叫我叻……(埋單先支支酒$1528，貴過個餐。山酒標價標到過千，飲咁耐山酒，今次真係長知識。)
之後，開始吃。可能因為近排都食過幾次㕑師發辦，尤其是我地兩公婆生日battle的雲X和淡X(有時間會寫)，所以今次都係離不開食下時令食物，例如第n次食寒鰤魚咁，而且做法又無乜落地一聲雷。不過，食後想特別想一提係酸菜魚湯白子，有點Chinese做法。咁樣做，係連一向唔食白子的我都食到落口。因為我對白子的味道好sensitive，佢用個湯嘅酸同辣，cover哂白字味道，而唔係提升，呢個奇怪的做法，係咪會令白子好食點……有點保留。
另一奇怪事，當食到金目鯛魚壽司時，佢地攞咗蘿葡萄蝦出嚟，問有無人唔食？龍師父又話係眾籌，又話係瑞士山區肺。其實，真係唔知佢想講乜嘢。之後，到河豚白子，又再講多次。我地都覺很奇怪。原來，當埋單先發現呢兩種嘢係另外收費，先知道龍帥父話眾籌意思係要加錢…河豚白子未食過，一個白子收$600，我無所謂，買個新鮮感。不過，兩隻葡萄蝦咁common都收$600，就唔會食啦。其實，老老實實話呢兩樣係"加錢"項目，有幾難，唔使用代用語。
最奇怪係請龍師父飲酒時，佢話唔飲，佢話好倦，想休息多點。以為工作關係，原來佢之後導岀昨晚玩到零晨四點先由太古返元朗。今日咁早起身做足兩塲後，仲要招呼我地，真係辛苦晒佢。
再者，老婆每次試一間店的㕑師發辦，都會最後追加一個吞拿魚蓉手捲。先唔好話味道，呀龍師父竟然一聽就話咁複雜…吓，呢個手巻都話複習？可能佢真係玩到力竭唔想做。當然，個手捲同雲X足有一條街距離。呢個我地唔介紹意，好似淡X咁，每個人力量一定有不唔同。不過，個人態度係可以修理一下。
最後，整餐我地都見佢隊support係咁甩轆，師父就係咁罵。我坐近岀菜位，聽到師父話條魚燒得唔好。吓，條"唔好"已經上左俾我地全部人食左… 我唯有當時運高聽唔到。
其實，要講都仲有好多嘢可以講。不過，都無乜所謂，我地都無唔會有下次。我見坐隔離對男女未食都已經book定下次食，都係百客買百貨，我地講到咁，咪又係大把人讚、大把人爭住book，有乜好奇怪。我同老婆笑下，當去旺角食左餐，之後咪去四季買個黑森林返屋企食下仲開心。
今次Menu
蟹肉蒸蛋
和歌山鯖魚壽司
墨魚壽司
千葉地金目鯛魚(6日熟成)
鹿兒島池魚壽司
宮崎赤貝壽司
酸菜魚湯白子
葡萄蝦(眾籌)
豐後水道產深海池魚壽司
燒牙帶魚壽司
富山冰見寒鰤(10日熟成)
北海道沙甸魚壽司
目光魚壽司
河豚白子(衆籌)
赤身壽司
海膽軍艦
赤陸魚壽司
太卷
湯+蛋
吞拿魚蓉手捲(我地後加)
日本啤梨兩小片
#舍利鮨
#衆籌
#瑞士山區肺
Post