Video
Read full review
2015-08-04
1856 views
想搵個地方搞中學同學ReU，朋友介紹話里間多game又可以唱k，又坐得落咁多人，咁就拉大隊去試下。雖然趴post見到叫pasta餐最抵，但我覺得個咖喱公仔麵好吸引，叫咗個跟餐肉蛋，另外再加雞翼，估唔到又幾好食，個咖哩係精髓，佢地應該用日本咖哩煮。野飲我諗咗好耐，諗緊薄荷綠茶好定飲蜜桃綠茶好，個staff同我講原來可以加$2自選兩溝，咁我就叫咗杯薄荷蜜桃綠茶，兩個味加埋又幾match，溫馨小tips怕甜就唔好試喇。雖然散叫好似有d貴，第一杯野飲計$52，我咁狂加野total$103加一，但我地由7點坐到12點，無限時，唔會趕人走又唔會再要我地加order，其實對比其他cafe算抵坐!（即係如果只坐一陣食個晚餐里間未必太適合）直得一提係佢地主打嘅 boardgames, 真係又多又新，個日試咗個新game，有d似以訛傳訛但係畫畫版，笑到癲咗，本身成班人好耐無見都可以突然即刻熟返晒。另外我見人地有酒送，d staff話慶祝生日就會送，唔check ID幾時生日，總之切蛋糕就得，我地特登落街買個慶祝埋今個月生日嘅朋友，（留意會收切餅費$50）。見我地一切餅就會即刻黎面前表演，好有誠意，仲送每人
想搵個地方搞中學同學ReU，朋友介紹話里間多game又可以唱k，又坐得落咁多人，咁就拉大隊去試下。
雖然趴post見到叫pasta餐最抵，但我覺得個咖喱公仔麵好吸引，叫咗個跟餐肉蛋，另外再加雞翼，估唔到又幾好食，個咖哩係精髓，佢地應該用日本咖哩煮。
野飲我諗咗好耐，諗緊薄荷綠茶好定飲蜜桃綠茶好，個staff同我講原來可以加$2自選兩溝，咁我就叫咗杯薄荷蜜桃綠茶，兩個味加埋又幾match，溫馨小tips怕甜就唔好試喇。
雖然散叫好似有d貴，第一杯野飲計$52，我咁狂加野total$103加一，但我地由7點坐到12點，無限時，唔會趕人走又唔會再要我地加order，其實對比其他cafe算抵坐!（即係如果只坐一陣食個晚餐里間未必太適合）
直得一提係佢地主打嘅 boardgames, 真係又多又新，個日試咗個新game，有d似以訛傳訛但係畫畫版，笑到癲咗，本身成班人好耐無見都可以突然即刻熟返晒。
另外我見人地有酒送，d staff話慶祝生日就會送，唔check ID幾時生日，總之切蛋糕就得，我地特登落街買個慶祝埋今個月生日嘅朋友，（留意會收切餅費$50）。見我地一切餅就會即刻黎面前表演，好有誠意，仲送每人一杯ji子彈酒。我之前試過係酒店叫rainbow shots要成$400/set(9杯），味道同棋吧個d無咩分別，一樣唔好飲，志在玩gimmick會邊倒邊變色，係特別嘅。
Post
